علمونا حب مصـــــــــــــــــــــــــــــــــــــــــــــر
كنت أنقب فى دفاترى القديمة وبالصدفة وجدت تلك القصيدة او الخاطرة كل امرؤ له الحق ان يسميها كما يحلو له، لكن الأهم ماذا تعنى لى تلك القصيدة ووددت أن أعرضها ربما تلقى استحسانا أو لا تلقى لايهمنى الأهم أننى قد نزعت منها الأتربة المتراكمة عليها وأحببت أن أريها أشعة الشمس من جديد.
علمونا حب مصـــــــــــــــر
فهمونا معنى مصــــــــــــر
دربونا إزاى نشيلها
بين رموشنا
جوه ننى العين وأكتر
قولوا تانى معنى مصر
هى ضحكة ولا دمعة
هى نكتة ولا حكمة
هى ضحكة لسنة لولى
تعلا تجلجل بين دروبى
ضحكة بين شفه وشفه
تبتسم فى صبح نادى
هى فرحة تفك أزمة
هى دمعة لما تبكى ع الفراق
دمعة حبيبة اشتاقت
من بعد طول الجفاء
مصـــــــــــــر هى بلد النكتة
لما يضيق بيها الحال
تسخر من أى شىء
يصبح عليها محال
هى نكتة فجرت قلب العدو
هى حكمة لخصت معنى الحياة
هى مصــــــــر.
يا مصـــــــر أنت آسية ولا ناسية
آسية على عليه على كل ولادك
طب ليه؟
ولا مين فينا اللى آسى
ومين فينا صبح ناسى
وليه ابنك اللى ع الكرسى
دايس على راسى
هو انا برضو مش ابنك؟
ولا أكون أنا ناسى
من اللى دايس على راسى
قالوا عليكى ست الكل
انا قلت ماشى
حكوا عن روايحك
عنبر وفل
وأنا قلت مصـــــر فوق الكل
هى اللى آشيلها فوق راسى
واحط غيرها تحت مداسى
هاتفكرونى بمعنى مصـــــــر!!
ده مصــــــــــر كلمة علمت فوق الجبين.
